ھەپتىدە ئەڭ كۆپ ئوقۇلغانلار

بىزنى تەقىپ قىلىڭ

ئۇيغۇر خەلق ماقال-تەمسىللىرى (3)

ئۇيغۇر خەلق ماقال-تەمسىللىرى

(3) 

بىر قېتىم جېدەل بولغان ئۆيدىن قىرىق كۈن بەرىكەت قاچار.

بىر قىر ئاشقۇچە، كۆپ داۋان ئاشار.

كالىنىڭ مۈڭگۈزىگە ئۇرسا، تۇۋىقى سىرقىراپتۇ.

بىر كۈن تۇز يېگەن جايغا قىرىق كۈن تازىم.

بىر كۈن ياشاش ئۈچۈن، مىڭ كۈن ئۆگەن.

بىر كىتاب ئوقۇساڭ، بىر سەر ئەقىل قوشۇلار.

بىر مۈشۈكنى ئۆلتۈرسەڭ، مىڭ چاشقاننى قوغدايسەن.

بىر مىسقال دۆلەتنى كۆتۈرۈش ئۈچۈن، مىڭ مىسقال تەمكىنلىك كېرەك.

بىر ئېغىز بىلىمنى مىڭ تىللاغا سېتىۋال.

بىكار يۈرمەڭ لاغايلاپ، پۇلنى خەجلەڭ ئاۋايلاپ.

بىلەي دېسەڭ قىيىن ئەمەس، چىقاي دېسەڭ ئېگىز ئەمەس.

بىلىم ئىشقىدا كۆيسەڭ، ئالتۇن شوتىدا ئۆرلەيسەن.

بىلمىگەننى سوراپ ئۆگەنگەن ئالىم بولۇر، ئارلىنىپ سورىمىغان زالىم بولۇر.

بىلىكىڭ توم بولسا، دۈشمىنىڭ سالامغا كېلىدۇ.

بىلىكىڭگە ئىشەنگۈچە، بىلىمىڭگە ئىشەن.

بىلىم ئالمىغان ياش، تام تۈۋىدىكى تاش.

بىلىم تۈگىمەس بۇلاق، ئەقىل ئۆچمەس چىراغ.

بىلىم دەسمايىسىز ھۈنەر.

بىلىم دېگەن بىر دۆلەت، كىيىم دېگەن بىر سۆلەت.

بىلىمدىن ئارتۇق دوست يوق، كېسەلدىن ئارتۇق دۈشمەن يوق.

بىلىمسىز ئەردىن ھوسۇللۇق يەر ياخشى.

بىلىمسىز باش يارىدۇ، بىلىملىك تاش يارىدۇ.

بىلىمسىز بولسا زامان، قاراڭغۇ بولۇر جاھان.

بىلىمسىز پادىشاھدىن بىلىملىك گاداي ياخشى.

بىلىمسىزگە ئىش يوق، ئىشسىزغا ئاش يوق.

بىلىمسىزلىكتىن قورقما، تىرىشماسلىقتىن قورق.

بىلىمسىزنىڭ تۆرىدىن بىلىملىكنىڭ پەگاسى ياخشى.

بىلىمسىزنىڭ ئېپى يوق، تىڭشىغۇدەك گېپى يوق.

بىلىمسىزنىڭ ئىشى بىر، بىلىملىكنىڭ ئىشى مىڭ.

بىلىم قاچماس تىرىشچاندىن، بەخت قاچماس ئىشچاندىن.

بىلىم كۈندە لازىم، چىراغ تۈندە لازىم.

بىلىملىك ئادەم تاللىنار، بىلىمسىز ئادەم شاللىنار.

بىلىملىك بېرىلەر، بىلىمسىز كېرىلەر.

بىلىمىلىك بىلەي دېسە، بىلىمسىز بىلىمەن دەپتۇ.

بىلىملىك بىلىمسىزدىن تۆر تالاشماس.

بىلىملىكتە نەپ تولا، بىلىمسىزدە گەپ تولا.

بىلىملىك دۆلەتمەن بولۇر، بىلىمسىز سۆلەتمەن بولۇر.

بىلىملىككە ئامەت كۆپ، بىلىمسىزگە ئاپەت كۆپ.

بىلىمسىزگە تۆر، بىلىمسىزگە گۆر.

بىلىملىككە گەپ قىلسام ئاڭلىدى، بىلدى؛ بىلىمسىزگە گەپ قىلسام ئاڭلىدى، كۈلدى.

بىلىملىك نۇرلىنار، بىلىمسىز خورلىنار.

بىلىملىكنى قارىلىساڭ، ئۆزۈڭنى خارلايسەن.

بىلىملىكنىڭ چارىسى كۆپ، بىلىمسىزنىڭ باھانىسى كۆپ.

بىلىملىكنىڭ قولدىشى شىجائەت، دۈشمىنى قانائەت.

بىلىملىكنىڭ ۋاپاسى كۆپ، بىلىمسىزنىڭ جاپاسى كۆپ.

بىلىملىك ئويلاپ سۆزلەر، بىلىمسىز قايناپ سۆزلەر.

بىلىملىك ئىشىدىن مەلۇم، بىلىمسىز گېپىدىن مەلۇم.

بىلىملىك ئىشىغا ئىشىنىدۇ، نادان چۈشىگە ئىشىنىدۇ.

بىلگىنىڭنى ئەلدىن ئايىما.

بىلىم ئۆگەنسە كىشى، كۆككە يېتەر بېشى.

بىلىم ئىزدىنىشتىن كېلىدۇ، بەخت كۈرەشتىن كېلىدۇ.

بىلىمى يوق كىشىنىڭ، بەرىكىتى يوق ئىشىنىڭ.

بىلىم يېنىپ تۇرغان چىراغ، ھۈنەر ئېقىپ تۇرغان بۇلاق.

پاتمىغان مېھماننىڭ كەتكىنى ياخشى، ساقايمىغان كېسەلنىڭ ئۆلگىنى ياخشى.

پادا باققاندا دوست ئىدۇق، ياڭاق چاققاندا ئايرىلدۇق.

پادىچىغا ئەمەل تەگسە، قوتانغا زەدىۋال تارتىپتۇ.

پادىشاھ ئادالەتسىز بولسا، يۇرت ۋەيران بولۇر.

پادىشاھ مەست بولسا، دۆلىتى غەرق بولۇر.

بىر تۈپ دەرەخ كەسسەڭ، ئون تۈپ كۆچەت تىك.

بەل باغلىغان بىلەن ئەر ئەمەس، باش تارىغان بىلەن خوتۇن.

بىكار بولساڭ كېپەك تاسقاپ يە.

بىر تاغار خۇشامەتتىن، بىر ئېغىز ھەقىقەت ياخشى.

بىر سەر ئالتۇنۇڭ بولغۇچە، بىر مىسقال ئەقلىڭ بولسۇن.

بىرسى چالما دەپ تاشلىسا، بىرسى ئالما دەپ ئاپتۇ.

بەرمەسنىڭ ئېشى پىشماس، ئوچاق بېشىدىن چۈشمەس.

بايلىق بىلەن پېقىرلىق ئىككىسى ئىككى ئات.

بوغۇزنى پۈتۈن يېسە، ئايىغىدىن تۈتۈن چىقار.

باردا پولدۇرۇڭ-پولدۇرۇڭ، يوقتا قاراپ ئولتۇرۇڭ.

بوراننىڭ گۈركىرىشىگە تاغ تەۋرىمەس (ماقال).

بېخىلغا قول بىلەن يانچۇقنىڭ ئارىسى 40 كۈنلۈك يول.

بۇلۇتنىڭ قەدرى يوق ئاي يېنىدا، پېقىرنىڭ قەدرى يوق باي يېنىدا.

قارغىشچى ئېغىزغا قاغا چىچسۇن.

قۇشنىڭ سايرىمايدىغنى يوق، دۈشمەننىڭ قارغىمايدىغنى.

دوستۇڭ دوسىت بولسۇن، ھېسابىڭ دۇرۇس بولسۇن.

چىشقاق بالىغا ئىت ئەگىشەر، ھىجايغاق قىزغا يىگىت.

بالاڭنى مەكتەپكە بەر، بولمىسا مەشرەپكە بەر.

خوتۇن كىشىنىڭ ھىيلىسى قىرىق ئېشەككە يۈك.

ھىيلىگەردىن تۇخۇم ئالساڭ، ئىچىدىن سېرىقى چىقماس.

چىرايلىقتا ۋاپا يوق.

ۋاپا تاق، جاپا جۈپ.

ۋاپاسىز قېرىنداشتىن، ۋاپادار ئاشىنا ياخشى.

ئىشچان خوتۇن سەھەر تۇرۇپ چېچىنى تارايدۇ، ھورۇن خوتۇن ۋاقچە تۇرۇپ كۇلۇڭنى كولايدۇ.

ئامبال ئوت قويسا يوق سوراق، پۇقرا ياقالمايدۇ جىنچىراغ.

ھارۋىنىڭ جابدۇقى پۈتمەس، خوتۇن كىشىنىڭ كىيىمى پۈتمەس.

پۇلۇڭنىڭ كەتكىنىگە قارىما، ئىشىڭنىڭ پۈتكىنىگە قارا.

سۈت ئىچىپ ئېغىزى كۆيگەن قېتىقنىمۇ پۈۋلەپ ئىچەر.

ئاپەت كۆرمەي دېسەڭ ھۇشيار بول.

تۆگىنىڭ مازار بىلەن ئىشى يوق، سىيگەكنىڭ كىگىز بىلەن.

بالىلىق ئۆي بازار، بالىسىز ئۆي مازار.

كۆز قورققاق، قول باتۇر.

ئەندىشىنىڭ ئېتى قورققاق.

ئورۇق كالىنىڭ پوقى يوغان.

ئوغرىنىڭ يۈرىكى پوك-پوك.

دورامچۇقنىڭ ئېغىزى پۇچۇق.

دادامغا يوق پۇرچاق ئانامغا نەدە.

 پۇرۇچ يىغساڭ تون بولۇر.

 كېيىنكى پۇشايمان ئۆزىگە دۈشمەن.

 

 

 

 


  • ئىنكاس يوللاش
  • ئىسىم  : 
  • ئىلخەت : 
  • تېكىست : 
ئىنكاسلار
  • بۇ مەزمۇنغا ئائىت ھەرقانداق ئىنكاس يوق

رەسىم ۋە لاھىيە

Copyright © 2014 بارلىق نەشىر ھوقۇقى ئىستىقلال تورىغا مەنسۇپ